Австрија

сл1.Знаме

сл2. Грб

                                                                                     

ПОДАТОТЕКА
Површина	Популација	Главен град	Официјален јазик	Валута
83.872 km2	8. 356. 707 (според 2009г.)	Виена	Германски	Евро

ГЕОГРАФИЈА
                                                     

сл.3  Мапа на Австрија

Австрија се граничи со Германија и Чешка на север, Словачка и Унгарија на исток, Италија и Словенија на југ, и Швајцарија и Лихтенштајн на запад.

Површината на Австрија изнесува 84000 km², и според неа се наоѓа на 112 место во светот. Австрија е планинска земја. Најголем простор од нејзината територија зафаќаат Алпите. Тие се делат на Салцбуршки во северниот дел, во средишниот Таври, а на југ Карнишкорушки Алпи. Во западниот дел на Австрија Алпите се високи, а во источниот дел тие се пониски и со своите падини постепено се спуштаат до Панонската Низина. Алпите се богати со шуми и пространи пасишта. Во Австрија климата е умерено-континентална, континентална и планинска. Најголемо сообраќајно значење за Австрија има реката Дунав. Преку неа Австрија се поврзува со сите подунавски земји. Други поголеми реки се Драва и Мура. Австрија од рудното богатство има железна, олово-цинкова руда, камен јаглен, нафта и друго. Австрија е високоразвиена индустриска и земјоделска земја.

ЕТИМОЛОГИЈА
Се смета дека името на оваа држава доаѓа од германскиот збор Österreich , а според превод од Средновековен латински и баварски дијалект името значи „Источни Погранички Зони“ . А денешното име Австрија е латинизиран германски збор кој за прв пат се појавува во 12-тиот век.


ИСТОРИЈА

Во периодот кога келтите под контрола на Рим се романизирале, на север се населиле германите, мешајќи се со староседелското население. Покрај реката Дунав изградиле тврдини, а една од нив на местото на старата келтска или илирска населба била изградена населбата Виндобона, која денеска е главната престолнина на Австрија, Виена.

Со постепеното слабеење на Римската имерија, Австрија била изложена на сè поголемите напади од страна на германските и други народи. Во околу 6 век се појавиле Баварците на запад , а Словените  и Аварите на исток. Во 10 век биле победени Унгарците, и Австрија повторно била вклучена во составот на Баварија. Во 996 година за прв пат се споменува името Остарици, од кој доаѓа и германскиот назив за Österreich. Тоа бил почетокот на германската колонизација на источна Австрија.

Во 1278 година, кнежеството Австрија било освоено од страна на Хабсбуршката династија. Во следните години, оваа династија станала една од најмоќните во Европа. Во 15 век, тие ја добиле Бургундија, Шпанија и Холандија. Во 1526 година ја наследиле Унгарија, Чешка, Моравија и Хрватска. Османлиската империја бргу напредувала, и веќе во 1529 година пристигнале пред портите на Виена. Во следните 150 години, овие две големи империи биле во постојан конфликт.

Голем проблем на оваа империја претставувала религиозната основа на христијанството. Поголемиот дел од австрискиот народ биле протестанти. Царот насилно своето население го принудил да го прифати католизмот. Од 1618 до 1648 година се водела Триесетгодишната војна. Религиозниот воен конфликт набргу се проширил по цела Света Римска империја, а кога на страната на протестантите се приклучиле Франција и Шведска, се дошло до голем пораз на царската војска.

Во 1683 година стигнала и втората опсада на Виена од османлиите. Османлиите биле поразени и принудени да се повлекуваат. По ова, Австрија ги освоила Унгарија и Славонија, како и голем дел одСрбија. По победата над протестантите, голем број на верници биле прогонети од империјата. Тие се населиле во Прусија.

Во 1867 година, крал Франц Јозеф го одобрил создавањето на двојната монархија Австро-Унгарија. Двата дела на таа монархија располагале со единствен парламент. Оваа монархија постоела до крајот на Првата светска војна.

Австро-Унгарија во време на Првата светска војна била на страната на Централните сили. Во текот на Првата Светска војна Австро-Унгарија ја имала една од најсилната пешадиска армија. Биле мобилизирани околу 9 000 000 војници. Австро-Унгарија во текот на војната била ставена во најлоша положба бидејќи истовремено требала да војува на 4 фронта - Јужен Балкански (Солунски), Романски, Источен (руски) и Италијански фронт. Во почетокот забележала големи успеси. Истовремено, со поразот во војната, Австро-Унгарија како еден од условите била со сила распарчена од страна на Антантата (ноември 1918 г.). Како главна причина се гледа стравот на Антантата овие две земји многу брзо да закрепнат од војната, со што повторно би се создала можеби и уште посилна земја од тогашната Австро-Унгарија.

По војната од територијата на Австро-Унгарија биле создадени Чехословачка, Австрија и Унгарија, а дел од нејзините територии припаднале на Полска, Романија, Италија и Југославија.

Во 1938 година, германската војска навлегла во Австрија. За време на војната, Австрија била во составот на Силите на оската, кои повторно доживеале пораз.

По војната, во 1955 година, Австрија прогласила независност.

АДМИНИСТРАТИВНИ ПОДЕЛБИ

сл4. Административна мапа на Австрија

Како федерална република,  Австрија е поделена на девет држави. Овие држави потоа се поделени на области и  градови. Области се поделени на општини.








 

Држава	Главен град	Површина	Популација	Позиција на сл.
Бургенленд	Ајзенштадт	3.966 km2	280.350	9
Каринтија	Клагенфурт	9.536 km2	560.753	6
Долна Австрија	Св. Пелтен	19.174 km2	1.588.545	2
Горна Австрија	Линц	11.980 km2	1.405.986	3
Салцбург	Салцбург	7.154 km2	529.085	7
Стирија	Грац	16.392 km2	1.203.986	4
Тирол	Инсбрук	12,648 km2	698,472	5
Ворарлберг	Брегенц	2.601 km2	364.611	8
Виена	Виена	414.90 km2	1.660.534	1

ЕТНИЧКИ ГРУПИ 

Австрија е главно населена со Австријци. Тоа е народ од германската група народи. Освен нив, живеат Чеси и Унгарци, а во областа Корушка и Штаерска живеат голем број Словенци и Хрвати. По своето државно уредување Австрија е Република, а нејзин главен град е Виена. Австрија има 8,356,707 жители (2009), а густината на населението изнесува 99/km2 жител на км². Главниот град Виена со 1,631,082 жители е најголемиот град во земјата.

Австрија во голема мера била под влијание на Протестантската реформација, при кое мнозинство од населението станало протестантско. Но со почетокот на Контрареформацијата, католицизмот повторно станал како доминантна религија. Значајните еврејска популација (околу 200.000 во 1938 година), главно, престојувале во Виена, и истата била сведена на само неколку илјади во текот на масовната емиграција во 1938 (повеќе од 2 / 3 од еврејската популација емигрирала од 1938 до 1941 година), и по Холокаустот за време на нацистичкиот режим. Имиграција во последниве години, главно од Турција и поранешна Југославија, довела до зголемување на бројот на муслиманите и православните христијани.

РЕЛИГИИ 


Меѓу повеќето религии, како најзастапна во Австрија е Римокатоличката. Според пописот од 2001 година, 73,6% од населението на земјата се христијани.  Според податоци од крајот на 2005 година бројот на верници на Римокатоличката црква е околу 5.663.000 членови или 68,5% од вкупната популација на Австрија. Бројот на верници од Лутеранската црква е околу 5.7% од вкупниот број на верници. Поголемиот број Лутеранци живеат во провинцијата Каринтија, Јужна Австрија. Во меѓувреме, бројот на муслиманите е во пораст, со 4,2%. Постојат и помали заедници на Хиндуисти, будисти и евреи и.т.н.

ПОЛИТИКА

Австрија од 1 јануари 1995 година е членка на ЕУ. Таа е федеративна полупретседателска република, на чиј врв стои претседател. Парламентот се состои од Национален совет и Федерален совет.

УМЕТНОСТ

сл5. Вилендорфска венера

Подрачјето на денешна Австрија било населено уште од најстарите времиња во камената доба. Најпознатиот локалитет од тоа време е Вилендорфска Венера која била пронајдена во Вилендорф во Долна Австрија. Се проценува дека е стара околу 25.000 години. Покасно, преку народите од Балканот престигнале сточарството и металната обработка. Популацијата  нараснувала сè повеќе и била создадена првата трајна населба.

СПОРТ

сл7. Херман Маер

сл6. Тони Сајлер

Поради непрестапните планински терени, алпското скијање е истакнат спорт во Австрија. Слични спортови како сноубординг и ски-скокање се исто така многу популарни и австриските атлети како што се Енмари Мозер Прел, Херман Маер и Тони Сајлер се сметаат за едни од најдобрите алпски скијачи на сите времиња.

сл9. Стадионот на ФК Салцбург

Популарен тимски спорт во Австрија е фудбалот, кој е управуван од страна на австриската фудбалска асоцијација. Австрија беше меѓу најуспешните фудбалски нации од Европа која се пласираше на 4-тото место во 1934г., 3-то во 1954г. и 7-мо во 1978г. на ФИФА светскиот куп. Како и да е, од неодамна австрискиот фудбал не е многу успешен во оваа дисциплина. Истотака беше ко-домаќин на Европскиот фубалски шампионат во 2008г. со Швајцарија. Националната австриска фудбалска лига е наречена Австриска Бундеслига, која вклучува тимови  како што се: ФК Австрија Виена, СК Рапид Виена, Ред Бул Салцбург и Стурм Грац.

Покрај фудбалот, Австрија има и професионални национални лиги  за повеќето тимски спортови, вклучувајќи ја Австриската Хокерска Лига, и Австриската Кошаркарска Бундеслига. Боб-санкањето, санкањето, и скелетонот се исто така популарни настани со постојана патека лоцирана во Иглс, кој беше домаќин на натпреварите во боб-санкање и санкање во 1964 и 1976 г. на Зимските Олимписки Игри во Инсбрук.